Saed nrol saed jangt: 骚挪骚降：（离弃骚）
DOUL MBUT JEX MEX DOUL LANL NGHUD 爱名空留兮情侣已离
1.Bot hob jid gol dab leb dongs, 1、雾雾袅袅兮笼罩山川，
Bot hob jid ntet dab leb rud, 云烟茫茫兮环山绕林，
Jid ongd nanx ghans blab nex cenb. 天地昏灰兮惨雾愁云。
2.Ndrangd joub mes lanl leut jab trut, 2、重逢情君兮山野道边，
Ndrangd joub mes nus leut jab rud, 复遇恋人兮荫荫林内，
Ndrangd cangt mes lanl leut jab reib. 再晤故侣兮萋萋草坪。
3.Ndrangd zaed jex fux geud saed ndrut, 3、心不甘畅兮歌把情传，
Jid nrangs jex nyongx geud dut pud, 恩爱难酬兮话语诉倾，
Jex kyed jex ntreut pud jid nqenb. 心愿难遂兮肺腑吐尽。
4.Nyus manl boub leb bent jid rut, 4、忆昔吾汝兮情浓意深，
Dax xib jid nrangs paet shanb pud, 袒露心扉兮互道心语，
Jid dud jid det jex jid seib. 相互盟誓兮白首不违。
5.Mis leb bid gheul dot nrob gus, 5、山山岭岭兮足迹踏遍，
Mis leb ghab dongs doul shob pud, 幽谷亲昵兮呢喃低语，
Mis del ghab ghot doul saed yenx. 情歌悠悠兮山川绕萦。
6.Deut gyoux goud hangd doul dex jongt, 6、桥下偎依兮两情缱绻，
Ghab yangs banx ub nrangs lanl nghud, 河边漫步兮形影相随，
Mil rud goud nrangs ghox lanl huib. 林中幽会兮神迷心醉。
7.Dax gyand dot nyenb bid gheul jongt, 7、冰霜洒落兮山野缠绵，
Dax mbet dot nyenb dreit trut nghud, 霰雪纷飞兮沐雪相恋，
zanl zanl nongt nongt jit lol huib. 凄凄冷冷兮仍奔幽会。
8.Geud jib nrol wel det leb jongt? 8、君因何缘兮弃吾千里？
Janx lyanx nrol jongt max shanb rud, 苦吾孤鹰兮独盘幽林，
Mpleut zanl mpleut ncant ghab gyeb renx. 盘旋哀鸣兮巍巍峰顶。
9.Nrol wel jex mex bod ad ndot, 9、轻率离弃兮未道别语，
Nrol boub geud jongt ghab dex blud, 教吾独处兮凄清暝地，
Jongt zanl jongt ncant det leb nyenb. 吾心孤寂兮独自太息。
10.Nrol jul nrangs yib jit doul mbut, 10、既伤别离兮旧梦依然，
Doul mbut jex mex doul lanl nghud, 爱名空留兮情侣已离，
Doul mbut khaed khaed lanl lyaes qib. 风物依旧兮君心已非。
11.Doul saed jex mex dex mongl ndrut, 11、满腹悲歌兮无处吟传，
Doul dut jex mex dex mongl pud, 奏弹心琴兮难觅知音，
Qib xed doul dut pud leb jib? 心存话语兮诉之与谁？
12.Roul roul banx yib jex jangt nyus, 12、时时念君兮爱心不变，
Beut nghueb nyand jongt bleid nyox loud, 魂梦来归兮床沿啼泣，
Banx nyul banx das nax haeb yib. 思生念死兮独饮离恨。
13.Jex khanb bal xed bal ghab nyus, 13、为尔枉费兮情感青春，
Jid nrangs jangs benx jex ndrangd nyul, 缘浅共栽兮爱花难存，
Nangb nend jangt shangt jex kyed qib. 轻弃教吾兮爱意难平。
14.Sat yib ndrangd nghud nangb xib nyus, 14、乞君如昔兮蜂花相恋，
Hneb hlat drad renb sheib dand blongl, 日月沉西兮尚能复升，
Yol rut jid ndrangd dand nygangx jib? 何日方能兮重好如昔？
15.Ngheub lol gangs yib jid heut gut, 15、心伤意乱兮歌诉悲凄，
Sat nus jeut boub jif ndrangd nghud, 乞请情俦兮重温旧情，
Pleut lanl mpot mes ndrangd nghud yib. 春风回首兮吹慰吾心。
