kuv muab nplooj siab coj rau koj；ces ua kuv qhov chaws nco！ib txhiab ib txhis tsis txawj ploj ！
-
[论坛] Cua Tshuab
2008-05-17 16:48:20
Nplooj poob nplooj zeeg peg vog
Poob ntau daim mus rau ntau vuag
Hnub no ua cas kuv yuav kho siab ua luaj
Yuav quaj los sis yuav luag
Thiaj rub tau kuv lub siab mus nyob sab ntuj ntuag
Tam si no, nco npaum li cas los
Tus npaum suav twb mus tsis txog li
Ntshe yuav ua ib siab nyob nrog lub caij no si
Mus txua rau lub caij paj mab paj ntoo tawg
Seb kuv lub siab puas nco mus txog kawg.
-
[论坛] Ua cas kuv nco koj ua luaj
2008-05-17 16:39:24
Ua cas cov me zoo phooj ywg e,
Neb ob leeg niam sib nco ua luaj,
Siab niam quaj quaj dhawv dhi,
Twb tsis muaj kev luag ntxhi li lawm
Tug niam tos tug, tu siab zis
Tsis vam lawm tiag hais tias yuav tau sib ntsib li
Ab, tug niam nyob sib ntuj tiag
Ua kev sib nco loj ua luaj
Tug tuaj txog los tsis tau sib ntsib, sib tham
Kom zoo lub siab mus lawm ib tsam
Pov niam xav twj ywm hais tias:
"Kuv me kwv ntxawg Sibtham, thov koj ua siab loj los mas
Cia kuv mus ncig thoob kuv me tsoom kwvtij Hmoob
Ua ntej yuav rov los nrog koj zaum
Es wb mam sib qawg quaj sib qawg quaj rau wb kev sib nco ua luaj".
Sibtham nim xav rau nruab siab hais tias
"Kuv me tij laug Pov, kuv yeej ua siab loj tos koj,
Cia koj mus ncig thoob plawv koj cov me kwvtij Hmoob
Es koj mas rov los nrog koj me kwv ntxawg nyob
Es wb mam sib qawg quaj sib qawg quaj rau wb kev sib nco ua luaj".
Sibtham nim seev yuj yees hais tias
"Kuv me tij laug Pov, nco txog kuv mog
Wb tseem sib pom ib pliag xwb los kuv yeej zoo siab kiag,
Es cia kuv ua tug kawg xa koj mus caij me dav liaj dav hlau
Yam rov mus lawm koj teb koj chaw."
Koj rov mus txog,
Ntshe me nplooj hmab nplooj ntoos nim poob zuj zawg
Es yuav kho koj siab lawm koj plawv tsis kawg
Koj me kwv ntxawg nyob sab ntuj ti no
Los yeej yuav kho siab kho plawv ntuj ntig
Tos ntsoov seb thaum twg me paj hmab paj ntoo mas rov tawg li zig
Es koj mas li rov tuaj txog kuv vaj lawm kuv tsev.
-
[论坛] paj huam hmoob
2008-05-17 16:35:13
kuv nyiam sau paj huam hmoob..es xav share nrog nej xwb os..
yog nej muaj paj huam hmoob ces thov sau raus haus no..kuv xav nyeem kawg..
1. Kuv thov tsa tev mus rau lub ntuj
Tia kuv hlub koj ib tug
Txawm wb tsi muaj hnub
Los kuv yeej tsi ntxub
Vim kuv hlub koj dhau
Koj puas tau paub
Kuv xa tau koj los ua hluas nraug
Tiam si kuv txoj kev hlub, koj tsi kav taug
Txawm kuv tsi tau koj
Mus ua koj tus poj
Los kuv siab yeej tsi mob
Vim ntawm kuv qhov muag koj yeej yuav tsi ploj
Kuv hlub koj tshab
Ib puas tsav yam
Txawm tsi tau ua koj tus
Los kuv yeej tsi nxub
2. Leej nus tus kuv nco
Cas hlub tau koj nyob dej uas luaj
Uas hnub uas hmo xas txog koj xwb
Cas wb ob leeg yuas nyob ib sab ntuj
Es tsis tau los sib ntsib
Tsuas hnov koj lub suab qab zib
Thaum koj hus tuaj xwb
Leej nus tus kuv hlub
Cas kuv yuas nco koj uas luaj
Xas tau koj los nyob ntawm kuv ib sab
Los puag kuv seb puas yuas so kuv ib pliag
Tab si txob kev dej ntawm wb txoj kev hlub
Los cuam tshuam lawm
Taug twg mas li taus koj los nyob ntawm kuv ib sab -
Thov hlub niam thiab txiv
2008-05-17 16:33:47
ntawm no mus yog lus paj huam
tsis tau thaum thiab tsis tau ntxub
cov me tub los yog me ntxhais
kuv tsuas hais li uas muaj lawm
tsuas qhia tawm li uas tshwm sim
twb yeej vim muaj kuv thiab qhia
nco kom cia thiab khaus duab siab
lub neej tshiab uas zoo li no
thov muab tso es kom txhob muaj
niam txij quaj los kua muag nrog
los vim yog tub ntxhais tsis hlub
cov me tub thov kom nej xav
txhob khav khav tiam nej loj lawm
yuav khiav tawm tsis ua txiv noj
yuav ua coj xws nej siab nyiam
vim nej tiam tsis xws cov laus
luag tsis taus ces yuav tsis khes
muab lawv ves ces nej tsis yuav
nej dhuav dhuav nej tsis xav tu
nej tsuas qu kom mus tsuag tsuag
kav tsij tuag nej tsis xav yuav
vim lawv tshuav koj ua me tub
koj yuav hlub yuav tu hnub laus
yus tsis taus los koj yuav pab
muaj qhov qab los yuav tau noj
los cas loj es tseem siab phem
niaj hnub cem kom laus ploj mus
vim nej tus poj tsis xav yuav
tub pib dhuav ces pib ua phem
tub pib cem tias cas niag laus
mus tsis taus cas ho tsis tuag
mus tsuag tsuag tub tsis xav ntsia
thov nco cia mog cov me tub
tsis txhob ntxub cas hnub yus khawm
ho yuav tawm los neeg tsis pab
cov me nyab los ib yam kaus
hlub tej laus thiaj li tau zoo
neeg muaj hmoo thiaj yuav yog yus
nyob ntev mus thiaj tsis muaj npam
tsis txhob lam tiam yuav tsis hlub
ho yauv ntxub thaum uas lawv laus
mus tsis taus ces yuav tsis yuav
tsis txhob dhuav mog cov tub ntxhais
peb tsis hais los nej paub lawm
kav tsij sawm los hlub niam txiv
txhob tsiv tsiv es ho hlub mog
twb vim yog koj yog luag roj
luag thiaj soj txoj siab rau nyob tseg
tsis txhob veg muab lawv tso cia
yuav tau ntsia saib nej lub neej
nej tus kheej yeej yuav txawj laus
mus tsis tau ces nyuam tsis yuav
nyaum dhuav dhuav ces nej yuav paub
ma tau taub ces nej twb ua
nej ua dua los lawm ib zaug
thiaj li raug nej nyob zaum no
thov muab nco es kom hlub cov laus mog -
Vauv
2008-05-17 16:31:30
ntawm no mus yog lus paj huam
tsis tau thuam rau cov vauv hmoob
yeej muab coob uas ua li no
thov nej nco thiab cim tseg mog
vim nej yog luag tub luag vauv
yuav tau pauv coj cwj pwm zoo
tsis txhob nroo txog qhov nej nkees
yuav tau lees tias nej yeej yog
luag vauv mog uas yuav luag ntxhais
peb tsis hais los nej paub zoo
nej tsuas tsoo tias nej no nkees
tsis kam lees mus pab niam tais
niam tais hais los ua duav ntev
nej poj sev hais nej tsis mloog
tsis kam yoog mus pab neej tsa
nej xav ma nej ua puas yog
yuav tau nrog nej poj ua noj
yuav tau coj kom xws vauv hmoob
cov niag noob uas zoo li no
thov muab tso kom ploj tag mus
cov vauv qus uas tsis txawj xav
luag tsuas khav thaum tsis tau yuav
pib mob duav yog niam tais ntxib
nws tsuas lib tias muaj hauj lwm
tsis xav tshwm mus pab niam tais
me ntxhais hais ces vauv sawv khiav
vauv tsuas nrhiav kev dim tas li
vauv tsuas ntxhi tias vauv no mob
vauv tsuas lob txoj kev tub nkeeg
vauv yeej tsheeg tias vauv ua yog
ua tsis nyog yog coj li no
thov muab tso thiab pauv tus kheej\
neej lub neej thiaj nyob muaj hnav
thiaj yuav kav mus kom tag sim
thiaj yuav dim txoj kev txom nyem
ntuj yuav lem hnub twg tsis paub
yog tau taub ces ua zoo xav
txhob lam lav yog ua tsis tau
thiaj tsis npau nyob mus ua nkawm
vim yuav lawm ces xav kom zoo
nyob ntau xyoo kom muaj noj mog..... -
txhob khav koj zoo nraug
2008-05-17 16:28:29
Me leej nus koj tsis txhob khav
tsis txhob xav tias koj zoo nraug
peb yuav qaug yuav vwm los hlub
hmoob tej tub tus zoo li koj
peb tsis soj thiab tsis xav paub
koJ tau taub tias peb yog ntxhais
peb tsuas hais yas uas muaj tiag
yEej tsis nyiag hlub qaug koj quav
txiv neej tshuav coob coob ntau ntau
peb tsis tau tias saib tsis taus
vim cov laus ib txwm hais qhia
kom nco cia tias txiv zoo nraug
tsis txhob qaug tsam peb ntxhov siab
tsam tshuaj iab noj tsis tu siav
kom txhob nrhiav hlub tus haib haib
tsam hnub tshaib ces tsis tau noj
vim luag coj tias luag zoo nraug
hluas nkauj qaug vwm hlub txhua tus
tsam tej lus phem yus tau hnov
yam tus tsov uas txhaij daim ntawv
phem duab plawv yog neeg zoo nraug
tsis txhob qaug txhob vwm zoo dua
luag yuav tua tau yus nplooj plawv
vim luag tawv npaum tooj npaum hlau
txoj kev npau kev chim los txog
twb vim yog koj hlub yuam kev
tus txiv dev khav tias zoo tshaj
nws tsuas npaj tham tug tso tug
tsis khes txuug tias mob luag li
nws tsuas ntxhi txoj kev zoo nraug
hluas nkauj qaug vwm hlub nws sai
yeej tsis ntshai tias ua rau luag
kev phem cuag nws yav tom ntej
los tsuas sej nws txoj kev haib
nws tsis saib nws tus kheej tso
tias nws no zoo li cas tiag
thov tsum kiag mog cov tub hluas
thov muab xyuas kom meej kom tsheeb
thov muab teeb muaj iav los tsom
kom koj pom txog koj tus kheej
tias koj yeej tsis zoo npaum ntawv
tsis txhob sawv khav tias zoo heev
kav tsij teev kom lub me neej
kom peem tsheej kom los ua zoo
thov txhob nroo thiab txhob hais lawm
rov mus kawm thiab kom paub tab
txhob hnov qab tias neeg zoo nraug
txawm yawg laug tub hluas los xij
luag tsis lij txoj kev khav theeb
thov paub tseeb thiab nco kom cia
yuav hais qhia rau koj paub mog
mus tsis nyog yog koj pheej khav
rov muab xav seb koj puas paub
cov tau taub ces paub heev dhau
txhob txhob npau zam txim mog
twb vim yog muaj kuv thiaj hais
kuv yog ntxhais yeej paub zoo
txawm kuv nroo txhawm nej lawm los
thov txhob yos es puav nej tus kheej mog....... -
yuav tsis tau zoo neej
2008-05-17 16:26:03
Me leej nus tus neeg siab phem
yog ntuj lem los vim li cas
koj thiaj ras ua neej siab dub
txoj kev hlub uas wb no tsim
txawm yuav dim mus lawm tiag tiag
cas ib pliag koj thiaj hloov siab
nrhiav tus tshiab tso kuv no cia
yuav tsis ntsia tsis khuv xim txog
tias kuv yog koj tus me hlub
uas thaum ub koj yog tus nyiam
kev hlub piam ces yog zaum no
koj tsis nco koj ua dab tsi
nyob luag ntxhi ces koj tseg kuv
kuv yuav uv tsis taus mus lawm
vim koj tawm xav muaj tus tshiab
koj nplooj siab tsis nco dab tsi
tias thaum i koj yog tus hais
kom niam ntxhais ua li koj lus
es koj tus ces twb yog kuv
yeej yuav zuuv kuv mus kom kawg
kuv thiaj plawg ua koj koj qhia
vim koj ntsia kuv yog tus zoo
kuv tsis nroo tias ua yuam kev
koj poj sev twb yuav yog kuv
kuv thiaj uv tsis qhia niam txiv
cas lawm chiv lawm ho yuav npau
mob taub hau ua mob ua nkeeg
los vim tsheeg tias koj yeej yuav
yeej yuav tuav wb txoj kev hlub
koj yuav rub wb los ua ke
zaum no tshe tsis muaj lawm tiag
yam rab liag lov txuas tsis tau
cas yuav npau kuv siab ua luaj
tsis muaj tshuaj yuav los kho zoo
nyob ntau xyoo uas dhau lo no
koj tsis nco koj tej lus lawm
tsis xav khawm kuv ua koj tus
koj tsuas mus deb nrug zuj zus
tsis xav pus kuv ua koj tug
tsis xav txuug tias zoo li no
koj txawm tso los tsis ua cas
tias sis mas koj txhob zoo siab
tias muaj tshiab yuav sov koj plawv
txhob vam sawv ua koj lub neej
kuv tus kheej yog tus yuav nrhuav
vim koj tsuav kuv nuj kuv nqe
tsuav kuv se koj them tsis tag
koj yuav mag zaum no kiag thag
tus neeg dag txias kuv lub cev
tsis xav ev koj lub txim txhaum
kuv yuav taum kiag koj tau koj
kuv yuav zoj kom koj txaus kaus
kom tsis taus ua mob ua nkeeg
koj ib leeg thiaj ua kuv mob
ua mob tob hauv kuv duab plawv
kuv ma sawv ua kom koj paub
tias txiv aub uas coj tsis ncaj
uas xav saj poj niam ua si
uas xav ntxhi dag txias los siv
kuv yuav chiv ua kom koj paub
thiab tau taub tsis yog ua si
koj yuav tsi tau lub neej zoo
koj yuav nroo koj txoj kev mob
uas mob tob hauv ib ya tuaj
txawm muaj tshuaj los kho tsis zoo
koj yuav nroo txhua hnub txhua hmo
koj ma nco ces siv tsis nyog
twb vim yog koj txoj kev liam
kom koj piam txij li no mus
koj muag plhus xav dag tsis yuav
koj poj dhuav ces koj yuav paub
tias txiv aub kev mob yeej loj
koj txawm coj rau doctor saib
doctor thaib los kho tsis zoo
nyob ntev xyoo kom mob zuj zus
mob tsis tus tsis caij tsis tuag
kuv yuav luag nyob yaj ceeb tos
yeej yuav mos koj kom paub tsheeb
txawm ua neeb los kho tsis zoo
koj txawm nroo los yeej yuav mob
yeej yuav cob kom koj sab nkaus
mus tsis taus kom tuag tsis tuag
koj yuav luag los kom nws mob
kom tsim txob yuav ciaj tsis ciaj
kom koj thiaj li paub qhov yog
tias tsis nyog yog koj dag siv
tias yeej tsiv tsis dim poj niam
vim koj liam xav dag txias deev
koj yuav seev txhua hmo txhua hnub
koj me tub tsis pub kom muaj
txawm muab tshuaj los kuv yeej txiav
kom koj nrhiav tsis tau tswv yim
yuav khiav dim ntawm kuv no mus
mob zuj zus kom huam loj tuaj
koj yuav quaj nroo tas mus li
txhua txhua hli kom pw tsis tsog
nyob tsis nyog ces koj poj dhuav
nws tsis yuav tsis xav tu koj
txoj kev ploj ntawm koj tsuav ntev
koj yuav ev kev mob kev ntsim
yeej tsis dim yooj yooj yim li
kom mob ntxi ib tog zuj zus
mob tsis tus kom thev tsis taus
mob txaus nkaus kom nkag tsis nyog
los vim yog koj txoj kev dag
zaum no tag ces koj yuav paub
tias txiv aub yeej yuav raug tsim
tas ib sim txog hnub tuag kiag
kom ma ntsiag koj txoj kev mob
uas mob tob hauv ib ya tuaj
tias nrhiav tshuaj los kho tsis zoo
koj yuav nroo txog hnub koj mus
mob zuj zus txog hnub koj ploj
vim koj txoj kev phem thiaj khaum
txoj kev txhaum koj tsis lees paub
ma tau taub ces lig koj dhau
koj ma npau ces twb mob loj
yog paub coj koj lub siab zoo
yeej tsis nroo nyob zoo li no
koj ma nco lig lig lawm na............. -
Vim yog ntxhais
2008-05-17 16:23:33
Vim tiam no yug los ua ntxhais
ncauj tsis hais los kua muag poob
vim peb hmoob coj los li no
raws li nco thiab paub los lawm
ntxhais yeej tawm mus ua luag nyab
thiaj paub tab ua cuab ua yig
thiaj tsis lig rau yus yas laus
mus tsis taus thiaj muaj neeg hlub
yug muaj tub thiaj muaj chaw rau
mob taub hau thiaj muaj neeg zov
muaj qeev cov ua tsis muaj neej
thaum tsis tsheej tsis tau lawm tiag
luag muaj liag yuj nyob nraum zoov
vim yus hmoov los tsis muaj neej
vim luag yeej tsis xav yuav yus
yus leej nus ua yog ib roj
yeej xwm coj kom xwm nws sev
vim nyob ntev los luag kuj dhuav
luag xwm yuav luag poj luag sev
yus nyob ntev los luag kuj ntxub
luag muaj tub xav kom neej zoo
luag thiaj nroo tias niag nkauj laug
luag thiaj nkaug taw tes ntsuj ntsiv
cas tsis tsiv pheej nrog luag nyob
thaum muaj mob luag tsis xav tu
luag tsis hu lub caij no mov
luag tsis zov lub caij muaj mob
yus hmoov hlob luag yeej tsis nyiam
luag thiaj liam tias niag hmoov phem
cas tsis lem kom ploj qab ntais
luag tsis hais los luag xav tau
luag yeej npau vim muaj yus nyob
vim yus txob luag dej luag mov
luag yeej thov kom yus tuag kiag
kom yus ntsiag lub npe nkauj laug
luag ua tsaug yog yus ploj lawm
luag txij nkawm thiaj li kaj plawv
luag thiaj sawv ua neej khov ko
vim yus no yog niag nkauj laug
yus kev taug tsis zoo xwb luag
yus txawm tuag los luag tsis khes
vim yus ces yeej tsis muaj neej
luag thiaj pheej ntiab kom yus mus
vim leej nus yus thiaj li nyob
xav tias mob los nws yuav hlub
nws yuav pub muab rau yus noj
los nws poj yeej tsis nyiam yus
yus leej nus thiaj hlav tsis dhau
thiaj yuav tau ua li luag hais
vim yog ntxhais luag thiaj tsis yuav
luag yeej dhuav tsis xav yuav yus
yus yuav mus los cas tws kev
ib lub tsev tsis muaj nkaum nag
zaum no tag yus ib sim neej
ua tus kheej tsis muaj cuag yig
nws twb lig heev rau yus lawm
yus txawm tawm tsis muaj tus yuav
yeej tsis tshuav tus kam yuav yus
vim yus tus tav twb dhau lawm
kev muaj nkawm ces tag zaum no
kuv ma nco los thov dua ntawm
kuv m asawm nrog luag muaj neej
kom luv tsheej ib cuag ib yig
kom txhob lig zoo li tiam no
kuv ma nco thiab khaws tseg cia
kuv ma ntsia saib luag ua neej
tias luag tsheej los vim muaj txiv
yuav los ntxiv nrog yus ua neej
kom tus kheej yog neeg muaj tug
kom tej lug zoo yus tau hnov
kuv ma rov tuav dua daim ntawv
kuv ma sawv kom ua neej zoo
nyob muaj hmoo nrog luag muaj neej mog........ -
Rov los tsis zoo
2008-05-17 16:21:29
kuv xav tias ntev npaum no lawm koj yuav tsis nco kuv lawm
kuv twb vam tseg tias tas no ces koj twb muaj txij kawm
ua cas hnub no ho rov los nug
ho yuav rov los nrog kuv hais lug
kuv xav tias tas no ces tshe koj teb mus muaj chaw yig
twb tas no koj ma rov los ces teb lig
thaum zoo ces koj tsis ua lub siab ntev nrog kuv nyob
zaum no koj mus muaj txoj kev mob
koj ho yuav rov los kom kuv hlu
zaum no tshe yuav rub
tsis tau lub siab hlub koj lawm mog
vim paub tias hlub los tsis nyog
zaum no koj rov los ces lig dhau
vim txoj kev hlub lwm tus twb tau
zaum no koj yuav rov los yuav
los tsis mus tsis tau vim kuv twb dhuav
zaum no koj yuav rov los kom kuv zam txim
los tsis tau vim paub tias hlub los yeej yuav mob tsim
zaum no koj ma li thim xav
koj ma li tuaj thov tuaj lav
ces tshe yuav lig rau koj heev
vim kuv twb muaj kuv ib tug nraug seem
hnub no es yuav mus tsis taus lawm
es kuv thiaj li tsis kam yauv rov qab nrog koj sawm
hnub no txawm hlub los mus tsis nce toj
es kuv thiaj li tuaj yeem tsis kam mus ua koj tus poj
vim zaum no koj rov los los tsis zoo
es kuv thiaj li tsis kam nrog koj pheej hmoo
vim zaum no koj rov los lso mus tsis taus
eskuv thiaj li tsis kam nrog koj ua neej mus kom txoj hnub laus -
cia kuv ua tus tso
2008-05-17 16:19:39
thaum kuv hlub koj los koj tsis yuav
koj hais rau kuv tias koj dhuav dhuav
thaum kuv hlub koj cas koj tsis yeem
txoj kev hlub koj yeej tsis xav nrog kuv peem
hnub no kuv thiaj li tso koj mus li koj siab xav
vim paub zoo tias kuv yeej tsis yog koj tus tav
zaum no kuv thiaj li tso koj mus li koj siab nyiam
es txawm mob kuv siab los kam liam
zaum koj kuv ua tus swb koj lawm
kuv tuaj yeem ua tus tawm
hnub no paub lawm tias yuav tsis tau los ua kuv tua
kuv thiaj li tuaj yeem tos koj mus
hnub no koj yog tus ua rau kuv
txawm mob kuv siab los ma uv
tiam si koj nco cia tias txoj kev hlub koj yog tus nrhuav
yog muaj hnub koj mus tsis zoo es rov los los kuv yeej tsis yuav
thov koj nco cia tias txoj kev hlub koj yog tso mus
yog muaj lwm hnub koj rov los los kuv yuav tsis yog koj tus
zaum no tso lawm ces yauv tso tu nrho
kuv mam ua ib siab tsis txhob nco
zaum no tseg lawm ces yauv tseg kom tu mus
koj tej lus hais rau kuv yeej yuav tsuag zuj zus
tsis ua li cas yog koj tsis hlub kuv txiv neej muaj coob coob
kuv ma li nrhiav dhua hmoob
tsis ua li cas yog koj tsis hlub kuv lawm lso kuv ma li tsis txhob npau
ntiaj teb no txiv neej muaj ntau ntau
kuv mam li nrhiav dhua tus tshiab
vim tseem tshuav chaw nyob kuv nplooj siab -
[论坛] hlub nej tus txiv...
2008-05-17 16:14:27
ntawm no mus yog lus paj huam
tsis tau thaum cov uas muaj txiv
cov tsiv tsiv los cov siab zoo
kuv tsuas nroo li uas pom lawm
cov muaj nkawm uas sib sib hlub
yug muaj tub ces nrog zoo siab
lub tseem tsiab uas kuv yuav hais
yog cov ntxhais uas mus yuav txiv
cov tsiv tsiv uas tsuj tus txiv
nej tsuas chiv tias nej no zoo
niaj hnub nroo tias txiv tsis hlub
yug me tub txiv tsis ua noj
nej xav soj nej ua puas yog
nej los nrog tus txiv ua neej
yog nej pheej coj li hluas nkauj
txoj kev nruaj ces yuav los txog
twb vim yog nej tsis txawj ua
ua kom txhua li tus niam tsev
rub siab ntev ua rau txiv noj
ua siab loj saws rau txiv hnav
ua siab dav siab ncaj siab ncees
kaj ntug qees yuav tau sawv los
ua mos tos txiv mus ua num
yus yuav tsum tu tej me nyuam
yuav tau txhuam tu vaj tu tsev
yuav tau ev yog me nyuam quaj
yuav tau zuaj yog niam pog mob
yuav tau txhob ua neeg tub nkeeg
vim yus tseeg tias nws zoo tshaj
yus thiaj npaj los nrog nws nyob
niam pog mob los yuav tau tu
txiv yawg hu los yuav tau teb
yuav tau cheb yog vaj tse sw
txhob lam qw tias txiv siab dub
neej ntxub ntxub nej tsis xav tau
yam plaub hau nej yuav muab txiav
nej yuav khiav kom tsis txhob ntsib
txhob lam tib tias txiv tsis zoo
lub neej zoo los vim tus txiv
txhob lam chiv ua lub siab dub
yuav tsis hlub nej tus me txiv
nej yuav chiv tawm tsham kom dim
twb yog vim nej tsis xav yuav
nej dhuav dhuav tsis xav ua neej
nej swm tsheej ua mus ua hluas nkauj
nej swm nrauj tsis swm yuav neej
nej tus kheej ces yuav tas mus
vim yus tus txiv yog yus neej
ua kom tsheej mog hmoob cov ntxhais
ua zoo hais kom sib haum mog lawm...
