空间管理您的位置: 苗族|苗族人_三苗网(苗族联合网) » 苗族风 ZAM ZUAG HMOOB » 日志

为什么我们要说自己的言语，为什么我们要着自己的装束？要问这是为什么，只因为我们的名字叫苗族。// Wef let jangl beb yat haik beb shuab lol? Wef let jangl beb yat hnangd beb rangf zhongl? Zhit wef zhangd nax dol lab zhit, Zhos wef beb lob nbet hot uat Hmongb. // Vim li cas peb yuav hais peb suab lus? Vim li cas peb yuav hnav peb zam tsoos? Tsis vim tsav niaj tus dab tsi, Tsuas vim peb lub npe hu ua Hmoob.

《假如你是一朵花》歌词

上一篇 / 下一篇 2007-11-05 00:42:35 / 个人分类：诗歌歌词

查看( 965 ) / 评论( 0 ) / 评分( 0 / 0 )

KEND LANGF GAOX YAOS IB DRED BANGX

Naf dlex ax gaox ndul khaid dus lol,
Tlout deb tlout qeut nded uat nded?
Zid lenx dob gaox duax khaid dus duax,
Shuab drangx ndangt yend (lok ax),
Uat god ncaik lenx dangb nyaob zhit ghangb houd zhed,
Nyaob zhit ghangb houd zhed?
Kod sif gaox yaos leuf dol duab nens,
Nyaf dout yuad zhit dout.
Gaox kend langf yaos (lok et) ib dred bangx,
God muab gaox dlet lol,
Uat nax ndongt raox shout doub hout,
Uat nax ndongt raox shout doub hout.

Naf dlex ax gaox ndul khaid dus lol,
Tlout deb tlout qeut nded uat nded?
Ncaik lenx dangb gaox duax khaid dus duax,
Shuab nblongx sit eud (lok ax),
Uat god zid lenx dob nyaob zhit ghangb houd zhed,
Nyaob zhit ghangb houd zhed?
Kod sif gaox yaos leuf dol duab nens,
Nyaf dout yuad zhit dout.
Gaox kend langf yaos (lok et) lob zid dlangx,
God muab gaox dlet lol,
Uat nax jaox raox houd sib del,
Uat nax jaox raox houd sib del.