NGOUX KHUAK 赞 歌

作者:Qix Nyangb 张元奇    来源:本站原创    时间:2007-08-06    点击量:
评论: (我要评论)


    Xongt 1979, 6 hlit 20 bangx chab deus,

    Maux ib lob shuab Hmongb ndaot laos ndangt yenl drout beb Bangx Deus Hmongb deb qeuk.

    Yangd sheud nzod yangd dangd shot hax muax yangd zhouk ndox,

    Kheb pluad sheub yenb jib shuab zox shuab ngoux ndraod ghak heud.

    20 ndout lob nax xongk hnob hnob zhit dot njuat,

    1 hnob 3 ras zaox jaix dreuk nyongs lol ntuad deuf.

    Lob shuab nat jeuf yaos Wenx Shangb Renx Minx Guangd Bof Dinf Taix,

    Lob shuab nat jeuf yaos Sod Dongx Juat Bangx Deus!

 


    Wenx Shangb Renx Minx Guangd Bof Dinf Taix,
   
    Sod Dongx Juat Bangx Deus.

    Gaox sangt dout beb Hmongb ib lob shuab lol nqangt,

    Muab dangd let fangb zhenb zhenf cex khat drout loul hluak tab box yeus.

    Gaox khat dout gangb get uat nenx draod uat nyongs,

    Beb Hmongb boub dangb hlaot zix nad zhit uat dob leul gheud.

    Gaox keuk dout beb Hmongb dex zox loul lol zhaot jat,

    Draod zhif deuf dex zox chab ntuad ntud nzif dangf nenb shab bleud.

    Gaox uat drout beb Hmongb muax rongt shuab duax zeuf rongt nbet,

    Ndaot bleul ndax deb ghangb ndos dit duax ghouf ndox geus.

    Fed gaox hnob rongt dluat hnob xongt rong tlout teuf xongt,

    Beb Hmongb lob nenx cab nax buat xongt zhit boub geus.

 


    Wenx Shangb Renx Minx Guangd Bof Dinf Taix,

    Sod Dongx Juat Bangx Deus.

    Cuat lenx guk zox mex xenb kud,

    God uat mex lob zhous khuak ncak haik dak mex muax dleus!

    Mex treud dout zox ged rongt shab duax drout beb,

    Kud hnob kud hmaot ndox zhous tlout leuf ndox chab draod deuf bleul.

    God sangd dak zat uat ib job hluad deul ndaid ghak fud,

    Cab dout gaox ib jet rongt nyaob shod ghak sheud.

    God zhas sangd plik uat ib ntud mit mit juat,

    Chuab khuad gaox let fuk nzheux uat liangx ghak reud.

    Kod sif god zat zhit dout uat ib ntud juat,

    Lal plik zhit nyaos uat ib job deul.

    God zhos muab dout god rangx ngoux rangb zuak jes,

    Ntuad zax langs shoub ged shend,

    Khuak zos Wenx Shangb Renx Minx Guangd Bof Dinf Taix,

    Khuak zos Sod Dongx Juat Bangx Deus!

    ★     ★     ★

    这是作者在2001年苗族春节演播会上表演的一个诗朗诵节目稿,

    内容为赞颂文山人民广播电台。
 ------------------------------------------------

本网版权文章,受法律保护,未经作者许可,勿得转载。

标签:苗族