1.
Koj txhiaj kuv txhais,
koj tuav kuv hlais.
(Yog tsuam zaum nyuj zaum nees)
2.
Peb tug kwv tij koom ntoo ib txoj phuam.
(Yog lub kos)
3.
Tuaj deb ntsia zoo li lub kaus,
Mus txog ntawd yog ib pawg noob qaus.
(Yog taub ntoos)
4.
Tuaj deb tiv loob tiv loob,
Mus txog yog tib tsuag khaub xyoob.
(Yog rab qeej)
5.
Saud yog hniav kaw,
hauv yog qe tsaw.
(Yog txiv suab)
6.
Ib ruam ib zes liaj,
nce nto lub zeeg tiaj.
(Yog nce ntaiv)
7.
Kuv niam siab koj niam qis,
kuv niam muab koj niam siav rov quav nris.
(Yog tsaws tsu nphau mov fob)
8.
Kuv tsis tshuav leej twg nqi,
luag xij pheej muab kuv qho quav khi.
(Yog rab koob)
9.
Kuv tsis tshuav leej twg nuj,
luag pheej muab kuv qho quav npuj.
(Yog rab txaug)
10.
Ib tug txiv dev dub,
ris ib ce hnub qub.
(Yog rab tsi)
11.
Hauv qhov tsua muaj tug choj,
ib tog ruaj cag ib tog yoj.
(Yog tus nplaig)
12.
Rauv taws saum toj,
dej npau hauv qab.
(Yog haus yeeb thooj)
13.
Cab hmab nruab deg,
tawg paj tim ntug.
(Yog taws teeb roj)
14.
Nruab hnub nyias fee nyias das,
hmo ntuj ua ke pw ib txag.
(Yog ob txhib qhov rooj)
15.
Ib tug txiv yawg laus,
noj tsau thiaj zaum taus,
noj tsis tsau zaum tsis taus.
(Yog lub seev)
16.
Npua ntsaj ntsaj npua chaws qhov vaj.
(Yog nqos ntos ntaub)
17.
Txiv kho chaw khawv khuav,
niam ntheeb ceg zuj zuav.
(Yog laub seb)
18.
Tsis yog tooj tsis yog hlau,
rho ntaj riam txiav tsis tau.
(Yog tus dej)
19.
Noj ncuav tas ncuav nyob ncuav.
(Yog paj noob hlis)
20.
Muaj ceg tsis muaj nplooj,
txi txiv ua plhe looj.
Muaj nplooj tsis muaj ceg,
txi txiv ua plhe leg.
(Yog txiv tsawb)
21.
Tawg paj tsis txi txiv,
txi txiv tsis tawg paj.
(Yog tsob maj)
22.
Xyab zog muaj ib dag,
nkaum zog ib pawg kas.
(Yog txoj saw)
23.
Xuas xuas txiv yawg laus ncej puab,
Txiv yawg laus nthe tis suab.
(Yog tua phom)
24.
Nab ntsuab ke mus ke nteg qe.
(Yog hmab taub)
25.
Qaum ntuj khaub zeeg cua,
ntiaj teb daus xib daus npu ya ri sua.
(Yog vab tshaus tshau hmoov)
——————————————————————————————————
本网版权文章，受法律保护，未经作者许可，勿得转载。