Lol Zax Zal—Fangb Xongb(丧歌—翻竹)

作者:陶连红    来源:三苗网    时间:2015-03-19    点击量:
评论: (我要评论)

Touf lit it,ib lob ndox khuad lit kheud mol xangt xongt,ib lob deb khuad lit ndris mol xangt nex。Ib nongb xongb duas dot nongb ,ib nongb xongb zuas zhik cuad 。jif lit dot zod zif lit drangx yuad mol dros nzux shik nyos muab nongb xongb,zif lit drangx drul shik nzes zheuk shik ntruad nzux shik nyos lob drongx vangs, zif lit drangx ghuax beb rangs ,nzux shik nyos kheb lit hlat lob drongx vangs,nzux shik nyos yuad lol haik zif lit drangx, gaox yaos lob ndax deb dib lit nenb gaox yuad duax uat dol lik zhit zif lit drangx。Zif lit drangx yuad lol haik ib lob deb khuad lit kheud mol xangt xongt, ib lob ndox khuad lit ndris mol xangt nex。Ib nongb xongb duas dot nongb,ib nongb xongb zuas zhik cuad。Zif lit dot zot lit pluad zif lit drangx yuad duax ndros gaox nzux shik nyos muab nongb xongb ek nzux shik nyos。Nzux shik nyos kheb lit hlat lob drongx longs zuab shik ras mol beb del nongb lit xongb eut lit heud mol ndrangf hangd,luas dex it luas zeux nghangt luas yuad uat ib ngheuk dab ngheuk eut ghangt。zif lit drangx zhik zeux nghangt,nghangt lit hlaot ndeuf gouk njoux ,nghangt lit hlaot mol get zoux,nghangt lit hlaot mol get bongb。Bongb lit ntangd mol beb dol nongb lit xongb drout ndruab dleuf duax beb dol nongb lit xongb 。Muax ib dol nangk gak dol ,nuk yuad zad shik ras nuk ib dol。Muax ib dol yaox nex mangb dex nex shuad nuk ib dol,nuk yuad zad shik ras nuk ib dol yuad jaox mol mol heb vangb droud lol yongf。Cuad ib dol yaos dout gaox dob lit duas gaox lit dol,blongx nzuab lit shab mol ndat nzik,nzik yuad nzuab lit shab mol ndat ndox。Ib lit dras aob daos dot ndruab lit ndrangb puat lit pleud mol aob shangb。Yuad lol uat dob lit duas zuf shib ndeuk,yuad zuak dout dob lit duas lob lit bleud,ib shangb kheb mol shangb ghak nenx nduak zos dlangb dak yaos nex dob lit duas drout ndeuf nat。

 
备注:本文为文山苗族壮族自治州麻栗坡县东山苗族丧歌节选,并做苗文记录。(口述记录,口述:张友明 记录:陶连红)
 云南民族大学13级苗语班:陶连红

标签: