我们的名字叫苗族 NBET HMONGB - NPE HMOOB

作者:张元奇 QIX - CHIJ    来源:苗族风    时间:2007-07-31    点击量:
评论: (我要评论)

LOB NBET HOT UAT HMONGB

 

!!! Ntawv Hmoob txawv teb chaws nyob nram qab !!!

 

Wef let jangl beb yuad haik beb shuab lol,
Wef let jangl beb yuad hnangd beb rangf zhongl?
Zhit wef zhangd nax dol lab zhit,
Zhos wef beb lob nbet hot uat Hmongb.

 

Wef let jangl beb yuad geuf beb ndoub ndeud,
Wef let jangl beb yuad ntuad beb zox jit?
Zhit wef zhangd nax dol lab zhit,
Zhos wef beb lob nbet hot uat Hmongb.

 

Wef let jangl beb yuav dous beb gangb ged,
Wef let jangl beb yuav uat beb gol chongb?
Zhit wef zhangd nax dol lab zhit,
Zhos wef beb lob nbet hot uat Hmongb.

 

Beb muax beb let nchangd,
Beb muax beb let nghaix,
Beb muax beb let shab,
Beb muax beb let hmongd.
Beb yaos shout ndax deb nad ib zhangd nenb,
Las muax buk zheus xongt yol lal muax buk zheus xongt.

 

Beb nghuas uat ghongb longt,
Bet let zhud yif jongb,
Beb muax ged zeux nzhet,
Beb let shab nzhuk rongt.
Beb Hmongb zeuf nyob drout ghangb ndox kub,
Shangb hnob duax nyaob zos shangb hnob bongb.

 

Beb zhit nchait lenx dus,
Beb zhit uat khed nzongs.
Beb zhit qib lenx dus,
Beb zhit zenb dend ndongt.
Beb ndros cuat zhangd minx cux ndouk pongx yul,
Shid dlangl ros muab beb lob nenx nyongs zhif chab rongt.

 

Zhit guangd mol zos lob deb qeut dus beb yaos Hmongb,
Zhit guangd tlout leuf buk zheus jaix nyongs beb yaos Hmongb,
Beb zhit zeux hnaod ghangb beb lob nbet ---
Hmongb! Hmongb!! Hmongb!!!

Qix Nyangb shout lol
Nqaid Yenx Dlob zhaot suab
Qend mol
http://www.3-hmong.com/audio&video/mingzijmz.wma
Xof rangx ngoux nad

 

*     *     *     *     *     *     *     *     *     *     *     *     *     *     *

 

LUB NPE HU UA HMOOB

 

Vim li cas peb yuav hais peb suab lus,
Vim li cas peb yuav hnav peb zam tsoos?
Tsis vim tsav niaj tus dab tsi,
Tsuas vim peb lub npe hu ua Hmoob.

 

Vim li cas peb yuav kawm peb ntaub ntawv,
Vim li cas peb yuav nthuav peb txuj ci?
Tsis vim tsav niaj tus dab tsi,
Tsuas vim peb lub npe hu ua Hmoob.

 

Vim li cas peb yuav taug peb kab ke,
Vim li cas peb yuav ua peb kos tshoob?
Tsis vim tsav niaj tus dab tsi,
Tsuas vim peb lub npe hu ua Hmoob.

 

Peb muaj peb li ntshav,
Peb muaj peb li nqaij.
Peb muaj peb li siab,
Peb muaj peb li hmoov.
Peb yog saum ntiaj teb no ib haiv neeg,
Luag muaj pes tsawg xyoo yus los muaj pes tsawg xyoo.

 

Peb nquag ua qoob loo,
Peb li tswv yim coob.
Peb muaj kev txawj ntse,
Peb li siab ntsws zoo.
Peb Hmoob txawm nyob rau qab ntuj khwb,
Sab hnub tuaj nyob txog sab hnub poob.

 

Peb tsis ntshai leej twg,
Peb tsis ua qhev ntxoog.
Peb tsis khib leej twg,
Peb tsis txeeb teev ntoo.
Peb nrog txhua yam haiv neeg ntaus phooj ywg,
Tso dag zog muab peb neej nyoog txhim kho zoo.

 

Txawm tias mus txog lub teb chaws twg peb yog Hmoob,
Txawm tias dhau lawm pes tsawg niaj xyoos peb yog Hmoob.
Peb tsis txawj hnov qab peb lub npe ---
Hmoob! Hmoob!! Hmoob!!!

 

Chij Tsab sau lus
Ncvhaiv Yeej Thoj tso suab
Thov mus
http://www.3-hmong.com/audio&video/mingzijmz.wma
kawm zaj nkauj no

 

标签: